ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ


ᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᐊᖏᖃᑎᒌᑦ ᐱᖁᔨᕗᖔᕈᑎᒃᑯᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ (1989) ᐱᒻᒪᕆᐊᓗᖕᓂᒃ ᐱᓕᕆᖃᑕᐅᖕᒥᔪᑦ ᐊᐅᓚᑦᑎᔨᒋᔭᐅᓪᓗᑎᒃ ᑎᑎᕋᕐᕕᑦᑕ ᐱᓕᕆᐊᖏᓐᓂᒃ.

ᐊᖏᖃᑎᒌᑦ ᐱᖁᔨᕗᖔᕈᑎᒃᑯᑦ ᖃᓄᐃᓕᐅᒐᒃᓴᕈᓘᔮᓗᖕᓂᒃ ᐃᓗᓕᖃᖅᐳᖅ, ᐅᕝᕙᓘᓐᓃᑦ ᑎᑎᕋᖅᓯᒪᔪᖃᐅᖅᐳᖅ. ᑖᒃᑯᐊ ᐃᓗᓕᖅᑕᖏᑦ ᐋᖅᑭᒃᓯᓯᒪᕗᑦ ᓄᑕᖅᑲᑦ ᐱᔪᓐᓇᐅᑎᖏᓐᓂᒃ. ᓇᓗᓇᐃᖅᓯᓯᒪᒋᓪᓗᑎᒃ ᖃᓄᐃᓕᐅᕈᑕᐅᔪᓂᒃ ᑲᒪᒋᔭᒃᓴᓂᒡᓗ ᖃᑕᙳᑎᒌᓄᑦ ᐊᒻᒪ ᒐᕙᒪᒃᑯᓐᓄᑦ ᐃᑲᔫᑕᐅᕙᒃᖢᑎᒃ ᑖᒃᑯᓂᖓ ᐱᔪᓐᓇᐅᑎᓂᒃ. ᑲᓇᑕᒥᐅᑦ ᐊᑎᓕᐅᓚᐅᖅᓯᒪᔪᑦ ᐊᖏᖃᑎᒌᑦ ᐱᖁᔨᕗᖔᕈᑎᒥᒃ 1991-ᖑᑎᓪᓗᒍ.

ᐃᓚᖏᑦ ᖃᔅᓯᑲᓪᓚᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐊᖏᖃᑎᒌᒍᑎᑦ ᐱᖁᔨᕗᖔᕈᑎᒃᑯᑦ ᐅᑯᓂᖓ ᐃᓚᓕᐅᔾᔨᓯᒪᕗᑦ:

  • ᐱᔪᓐᓇᐅᑎᖃᕐᓂᖅ ᐊᑎᖃᕐᓗᓂ ᐊᒻᒪ ᑲᓇᑕᒥᐅᑕᐅᓗᓂ
  • ᓂᕆᔭᒃᓴᑦᑎᐊᕙᖕᓂᒃ ᓂᕆᖃᑕᐅᔪᓐᓇᕐᓗᑎᒃ ᐊᒻᒪ ᐊᑦᑕᕐᓇᙱᑦᑐᒥᒃ ᐃᓂᖃᖃᑕᐅᓗᑎᒃ
  • ᐱᔪᓐᓇᕐᓂᖃᖅᑐᑦ, ᐊᔪᕐᓇᙱᓐᓂᓕᒫᖓᓂᒃ, ᑲᒪᒋᔭᐅᔭᕆᐊᖃᖅᐳᑦ ᐊᖓᔪᖅᑳᒥᓄᑦ
  • ᐃᓕᓐᓂᐊᖃᑕᐅᓗᑎᒃ
  • ᖃᑕᙳᑎᒌᓂᒃ ᐃᓚᐅᕙᒡᓗᑎᒃ, ᐃᓕᖅᑯᓯᓕᕆᔪᓂᒃ ᐊᒻᒪ ᐃᓅᓇᓱᐊᕐᓂᕐᒥᒃ
  • ᐋᓐᓂᖅᓱᖅᑕᐅᔭᕆᐊᖃᙱᖦᖢᑎᒡᓗ

ᐱᒻᒪᕆᐅᖕᒪᑦ ᖃᐅᔨᒪᔭᕆᐊᒃᓴᖅ ᐃᓗᓕᖅᑕᓗᒃᑖᖏᑦ ᐊᖏᖃᑎᒌᑦ ᐱᖁᔨᕗᖔᕈᑎᒃᑯᑦ ᐊᒃᑐᐊᓂᖃᐅᖅᑐᑦ. ᐊᒡᒍᖅᑕᐅᔪᓐᓇᙱᖦᖢᑎᒡᓗ. ᐃᓗᓕᖅᑕᓃᑦᑐᓕᒫᑦ ᑖᒃᑯᐊᑐᐊᖑᙱᑦᑐᑦ. ᐃᓗᓕᖅᑕᓗᒃᑖᖏᑦ ᐱᒻᒪᕆᐅᓂᖅᓴᖅᑕᖃᙱᑦᑐᑦ. ᐊᓯᐊᒍᖔᖅ ᐅᖃᕐᓗᒍ, ᐃᓗᓕᖅᑕᓗᒃᑖᖏᑦ ᐃᓱᒪᒋᔭᐅᔭᕆᐊᖃᖅᐳᑦ ᐃᓱᒪᓕᐅᕆᔪᖃᕐᓂᐊᓕᕌᖓᑦ ᐊᒃᑐᐃᔾᔪᑕᐅᓲᓂᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ.