ᑭᒡᒐᖅᑐᐃᔾᔪᑎᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᖁᔭᖅ


ᓇᕗᒻᒥ ᑭᒡᒐᖅᑐᐃᔾᔪᑎᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᖁᔭᖅ ᓇᓗᓇᐃᖅᓯᔾᔪᑕᐅᕗᖅ ᑎᑎᕋᕐᕕᑦᑎᓐᓂ ᐱᓕᕆᐊᕆᕙᒃᑕᑦᑎᓐᓂ ᐱᔪᓐᓇᕐᓂᕆᔭᑦᑎᓐᓂᒡᓗ, ᐊᒻᒪᓗ ᒐᕙᒪᒃᑯᓐᓂ ᐱᓕᕆᕝᕖᑦ ᖃᓄᐃᓕᐅᕆᐊᖃᕐᒪᖓᑕ ᐃᑲᔪᖅᓱᕐᓂᐊᕐᓗᒍ ᐱᖁᔭᖅ.

ᑭᒡᒐᖅᑐᐃᔾᔪᑎᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᖁᔭᖅ ᓇᓗᓇᐃᖅᓯᖕᒥᖕᒪᑦ ᖃᔅᓰᓐᓇᐅᒐᓗᐊᓂᒃ ᑐᙵᕕᒃᓴᓪᓗᐊᑕᓂᒃ ᖃᐅᔨᒪᔾᔪᑎᒃᓴᑦᑎᓐᓂ ᐱᓕᕆᐊᑦᑎᓐᓄᑦ. ᑖᒃᑯᐊ ᑐᙵᕕᒃᓴᐃᑦ ᐱᓕᕆᐊᓕᒫᑦᑎᓐᓄᑦ ᐊᑐᓲᕗᑦ.

ᑐᙵᕕᒃᓴᐃᑦ ᒪᑯᐊᖑᓪᓗᑎᒃ:

  • ᐃᓱᒪᓕᐊᑦ ᐱᓕᕆᔾᔪᓰᓪᓗ ᐊᒃᑐᐃᓲᑦ ᒪᒃᑯᒃᑐᓄᑦ ᒪᓕᑦᑎᐊᕆᐊᖃᖅᐳᑦ ᐱᓕᕆᒃᑯᒥᒋᓛᖏᓐᓄᑦ
  • ᐃᓕᖅᑯᓯᕆᔭᖅ ᐱᐅᓰᓪᓗ ᓴᙱᒃᑎᔾᔪᑕᐅᓲᖑᕗᑦ ᒪᒃᑯᒃᑐᓄᑦ ᖃᑕᙳᑎᖏᓐᓄᓪᓗ ᐱᑦᑕᐃᓕᒪᓂᕆᕙᒃᑕᖏᓐᓄᑦ
  • ᐃᓱᒪᓕᐊᕆᔭᑦ ᐱᓕᕆᐊᓪᓗ ᐱᔾᔪᑎᓖᑦ ᒪᒃᑯᒃᑐᓂᒃ ᐃᓄᖕᓂᒃ ᐃᒃᐱᒍᓱᑦᑎᐊᕆᐊᖃᖅᐳᑦ ᐃᓕᖅᑯᓯᕐᒥᖕᓂᒃ
  • ᖃᑕᙳᑎᒌᑦ ᑲᒪᔨᓪᓗᐊᑕᐅᖕᒪᑕ ᖃᐅᔨᒪᔨᑕᓪᓗᐊᑕᐅᓪᓗᑎᒡᓗ ᓄᑕᖅᑲᓄᑦ ᒪᒃᑯᒃᑐᓄᓪᓗ
  • ᐱᓕᕆᖃᑎᒌᒍᓰᑦ ᒪᒃᑯᒃᑐᓂᒃ ᖃᑕᙳᑎᒌᓄᓪᓗ ᐃᒃᐱᒋᔭᐅᑦᑎᐊᕆᐊᖃᖅᐳᑦ ᐊᒻᒪ, ᐊᔪᕐᓇᙱᑦᑐᐊᕌᖓᑦ, ᐃᑲᔪᖅᓱᖅᑕᐅᕙᒡᓗᑎᒃ ᓴᙱᒃᑎᒋᐊᖅᑕᐅᕙᒡᓗᑎᒃ
  • ᐊᔪᕐᓇᙱᑐᐊᕌᖓᑦ, ᖃᑕᙳᑎᒌᑦ ᐃᓚᐅᑎᑕᐅᑦᑎᐊᕆᐊᖃᖅᐳᑦ ᐃᑲᔪᖅᓱᐃᕙᒡᓗᑎᒡᓗ ᐃᓱᒪᓕᐊᕆᔭᐅᔪᓂᒃ ᐱᓕᕆᐊᓂᒡᓗ ᐊᒃᑐᐃᔾᔪᑕᐅᓲᓂᒃ ᕿᑐᕐᖓᖏᓐᓄᑦ
  • ᐃᑲᔪᖅᑎᒌᒋᐊᖃᖅᐳᑦ ᐃᒃᐱᒋᖃᑦᑕᐅᑎᓗᑎᒡᓗ ᐃᓱᒫᓘᑕᐅᔪᓂᒃ ᖃᓄᖅᑑᓕᕌᖓᑕ ᐊᒃᑐᐃᔾᔪᑕᐅᓲᓂᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ