ᑭᒃᑯᓐᓄᑦ ᐱᓕᕆᖕᒪᖔᑦᑕ


 

ᑕᖅᑲᑦ ᒪᒃᑯᒃᑐᓪᓗ ᐱᓕᕆᔾᔪᑎᓲᕗᑦ. ᖃᖓᓕᒫᖅ ᐊᔪᕐᓇᙱᑐᐊᕌᖓᑦ, ᑭᒡᒐᖅᑐᓲᕗᑦ ᐅᖃᐅᓯᕆᕙᓪᓕᐊᔭᖏᑦ ᒪᓕᒃᖢᑎᒍᑦ. 

ᒪᓕᒐᖁᑎᑦᑎᒍᑦ, ᓄᑕᕋᐅᓂᕋᖅᑕᐅᕗᑦ ᑭᒃᑯᑐᐃᓐᓇᑦ 15-ᓂᒃ ᐅᑭᐅᓖᑦ ᑐᖔᓂᓪᓗ. ᒪᒃᑯᒃᑑᓂᕋᖅᑕᐅᓪᓗᑎᒃ ᑭᒃᑯᑐᐃᓐᓇᑦ 16-ᓂᒃ 18-ᓂᒡᓗ ᐅᑭᐅᓖᑦ.

ᑭᒡᒐᖅᑐᐃᔾᔪᑎᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᖁᔭᖅ ᐃᓗᓕᖃᕐᒥᔪᖅ ᑭᑭᑕᐅᓯᒪᔪᓂᒃ ᐃᑲᔪᕈᓐᓇᖅᑕᑦᑎᓐᓂ 18 ᐅᖓᑖᓂ ᐅᑭᐅᓖᑦ.

ᑭᒡᒐᖅᑐᐃᔾᔪᑎᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐱᖁᔭᖅ ᐱᕕᖃᕈᑎᒋᔪᓐᓇᕋᑦᑎᒍᑦ ᐃᑲᔪᕐᓗᒋᑦ ᑭᒃᑯᑐᐃᓐᓇᑦ ᐅᑭᐅᖃᖅᑐᑦ 19-ᒥ 21-ᒧᑦ ᐃᒪᐃᑦᑑᑐᐊᖅᐸᑕ:

  • ᑐᒃᓯᕋᖅᓯᒪᑐᐊᖅᐸᑕ ᐱᔨᑦᑎᕋᖅᑕᐅᓯᒪᑐᐊᖅᐸᑕᓘᓐᓃᑦ ᐃᓕᓐᓂᐊᖅᑐᓕᕆᓂᕐᒧᑦ  ᐱᖁᔭᒃᑯᑦ ᐊᔪᙱᖃᑕᐅᓗᑎᒡᓗ ᐱᖁᔭᖅ ᒪᓕᒡᓗᒍ ᐃᓕᓐᓂᐊᖅᑎᐅᖃᑕᐅᓗᑎᒃ
  • ᐸᓯᔭᒃᓴᙳᖅᑎᑕᐅᓯᒪᒃᐸᑕ ᐱᕋᔭᒃᓂᑰᒃᐸᓪᓗ ᒪᓕᒡᓗᒍ ᒪᒃᑯᒃᑐᑦ ᐱᕋᔭᒃᓯᒪᔪᑦ ᒪᓕᒐᓕᕆᔨᒃᑯᑦ ᐱᖁᔭᒃᑯᑦ ᐅᕝᕙᓘᓐᓃᑦ ᒪᒃᑯᒃᑐᑦ ᐸᓯᔭᒃᓴᙳᖅᑎᑕᐅᓯᒪᔪᑦ ᐱᖁᔭᒃᑯᑦ ᐸᓯᔭᒃᓴᙳᖅᑎᑕᐅᕌᓂᒃᓯᒪᙱᑦᑐᑦ ᐸᓯᔭᒃᓴᐅᔾᔪᑎᖃᕐᒪᖔᑕᓗ ᖃᐅᔨᔭᐅᙱᑦᑐᑦ 
  • ᐱᕋᔭᒃᓯᒪᒃᐸᑕ ᐸᓯᔭᒃᓴᐅᔪᓪᓗ ᖃᐅᔨᔭᐅᓯᒪᓗᑎᒃ ᒪᓕᒡᓗᒍ  ᒪᒃᑯᒃᑐᑦ ᐱᕋᔭᒃᓯᒪᔪᑦ ᒪᓕᒐᓕᕆᔨᒃᑯᑦ ᐱᖁᔭᖅ ᐅᕝᕙᓘᓐᓃᑦ ᒪᒃᑯᒃᑐᑦ ᐸᓯᔭᒃᓴᙳᖅᑎᑕᐅᓯᒪᔪᑦ ᐱᖁᔭᖅ ᐊᒻᒪ ᐃᖅᑲᖅᑐᐃᕕᒃᑯᑦ ᖃᓄᐃᓕᐅᖁᔭᐅᓯᒪᔪᓂᒃ ᐊᓂᒍᐃᓯᒪᙱᑉᐸᑕ
  • ᑎᒥᒥᒍᑦ, ᐃᓱᒪᒥᒍᑦ ᐱᒡᒐᕈᑎᖃᔅᓲᔭᖅᐸᑦ, ᐃᓱᒪᔪᓐᓇᕐᓂᒃᑯᑦ ᐅᕝᕙᓘᓐᓃᑦ ᐃᒃᐱᒋᔭᒥᒍᑦ ᐊᔪᕈᑎᖃᖅᐸᑕ

ᐃᑲᔪᕈᓐᓇᕐᒥᔪᒍᑦ ᒪᒃᑯᒃᑐᓂᒃ ᐃᓄᖕᓂᒃ ᐅᑭᐅᖃᖅᑐᓂᒃ 19 ᐊᒻᒪ 25 ᐊᑯᓐᓂᖓᓐᓂ ᐃᑲᔪᖅᑕᐅᕐᔪᐊᖅᓯᒪᒃᐸᑕ ᓄᑕᖅᑲᑦ ᐊᒻᒪ ᖃᑕᙳᑎᒌᑦ ᐱᖁᔭᒃᑯᑦ.

ᖃᓄᑐᐃᓐᓇᖅ ᑐᑭᓯᒋᐊᕈᒪᒍᔅᓯ ᑖᒃᑯᓂᖓ ᐱᔾᔪᑎᖃᕐᓗᓯ, ᐅᕙᑦᑎᓐᓄᑦ ᖃᐅᔨᒋᐊᖃᑦᑕᕐᓂᐊᖅᐳᓯ.