ᐅᑯᐊ ᐱᓕᕆᐊᕆᔪᓐᓇᙱᑕᕗᑦ


ᓂᒻᒪᐃᓲᖑᔪᒍᑦ ᖃᓄᐃᓕᐅᕈᑎᒃᓴᕈᓘᔭᕐᓂᒃ ᐃᑲᔫᑎᒃᓴᐅᑎᓐᓇᓱᒃᖢᑎᒍᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ. ᑭᓯᐊᓂᑦᑕᐅᖅ ᐃᓚᖏᓐᓂᒃ ᒪᓕᒐᖅᑎᒎᖓᔪᓂᒃ ᐱᓕᕆᔪᓐᓇᙱᒃᑭᓪᓗᑕ.

  • ᕿᒥᕐᕈᔪᓐᓇᙱᑦᑐᒍᑦ ᐃᓱᒪᓕᐅᕈᑕᐅᔪᓂᒃ ᐱᔾᔪᑕᐅᔪᓂᒡᓘᓐᓃᑦ ᐱᔾᔪᑎᓕᖕᓂᒃ ᓄᓇᕗᒻᒥ ᒪᓕᒐᓕᐅᕐᕕᖕᒥ, ᐃᖅᑲᖅᑐᐃᕕᒃᑯᓐᓂ, ᐊᓯᖏᓐᓂᒃ ᐃᓛᒃᑰᖅᑐᓂᒃ ᐱᓕᕆᔨᓂᒃ ᐅᕝᕙᓘᓐᓃᑦ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ. ᓲᕐᓗ, ᐊᓯᔾᔨᖅᓯᔪᓐᓇᙱᑦᑐᒍᑦ ᓄᑕᖅᑲᓂᒃ ᐱᓯᒪᔨᒃᓴᓂᒃ ᐅᕝᕙᓘᓐᓃᑦ ᐋᖅᑭᒃᓯᔪᓐᓇᙱᖦᖢᑕ ᐃᒪᓐᓈᖅᑐᕈᑎᒃᓴᓂᒃ.
  • ᐱᔪᓐᓇᕐᓂᖃᙱᑦᑐᒍᑦ ᐃᓄᖕᓂᒃ ᒐᕙᒪᒃᑯᓐᓂᒡᓘᓐᓃᑦ ᑲᓇᑕᒥ ᐊᕕᒃᑐᖅᓯᒪᓂᐅᔪᓂᒃ ᓄᓇᑦᓯᐊᒥᓪᓘᓐᓃᑦ ᑐᑭᓯᒋᐊᒐᒃᓴᖅᑖᕐᕕᒋᔭᒃᓴᓂᒃ. ᑭᓯᐊᓂ ᑭᒡᒐᖅᑐᐃᔨᑦ ᑎᑎᕋᕐᕕᖏᓐᓂᒃ ᐱᓕᕆᖃᑎᖃᕈᓐᓇᖅᑐᑦ ᐊᓯᖏᓐᓂᒃ ᑲᓇᑕᒥ ᐱᔪᓐᓇᕐᓂᖃᕐᕕᐅᔪᓂᒃ.
  • ᒪᓕᒐᖅᑎᒍᑦ ᑎᓕᐅᕆᔪᓐᓇᙱᑦᑐᒍᑦ ᐅᖃᐅᔾᔨᖅᓱᐃᓗᑕ ᐅᕝᕙᓘᓐᓃᑦ ᓴᐳᓐᓂᐊᖅᑎᑐᑦ ᐱᓕᕆᔪᓐᓇᙱᑦᑐᒍᑦ.
  • ᐃᓚᐅᔪᓐᓇᙱᑦᑐᒍᑦ ᐃᒻᒥᒃᑰᖅᑐᓂᒃ ᐱᓕᕆᖃᑎᒌᒃᑐᓂᒃ ᐅᕝᕙᓘᓐᓃᑦ ᐱᔾᔪᑕᐅᔪᓂᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ ᓇᖕᒥᓂᖃᕐᕕᐅᔪᓂᒃ ᐅᕝᕙᓘᓐᓃᑦ ᐃᓛᒃᑰᖅᑐᓂᒃ ᑲᑐᔾᔨᖃᑎᒌᓂᒃ.
  • ᐊᓯᔾᔨᖅᓯᔪᓐᓇᙱᑦᑐᒍᑦ ᑭᐳᒃᑎᑦᑎᔪᓐᓇᙱᑦᑐᒍᓪᓘᓐᓃᑦ ᒐᕙᒪᒃᑯᑦ ᐱᓕᕆᕝᕕᖏᑦᑕ ᐱᓕᕆᐊᖏᓐᓂᒃ ᐱᔨᑦᑎᕋᐅᑎᖏᓐᓂᒡᓗ. ᓲᕐᓗ, ᒪᓂᒻᒪᐃᔪᓐᓇᙱᑦᑐᒍᑦ ᓄᑕᖅᑲᓄᑦ ᓴᐳᔾᔭᐅᔾᔪᑎᒃᓴᓂᒃ.

ᓇᓗᒍᔅᓯ ᖃᓄᐃᓕᐅᕐᓗᑕ ᐃᓕᔅᓯᓐᓂᒃ ᐃᑲᔪᕈᓐᓇᕐᒪᖔᑦᑕ, ᐅᕙᑦᑎᓐᓄᑦ ᖃᐅᔨᒋᐊᖃᑦᑕᕐᓗᓯ. ᑲᑐᔾᔨᖃᑎᒌᒡᓗᑕ, ᓴᖅᑭᑦᑎᔪᓐᓇᕋᑦᑕ ᐃᑲᔪᖅᓱᐃᔾᔪᑎᒃᓴᓂᒃ ᐊᑐᐃᓐᓇᐅᔪᖁᑎᑦᑎᓐᓂᒃ. ᐃᑲᔪᖅᓱᕈᓐᓇᙱᒃᑯᑦᑎᒋᑦ, ᐃᑲᔪᕈᓐᓇᖅᑐᒧᑦ ᑐᓐᓂᖅᑯᑎᒋᔪᓐᓇᖅᑕᑦᑎᒋᑦ.