2015−ᒥᑦ ᐅᓂᒃᑲᐅᓰᑦ, ᓂᐲᑦ ᓴᓚᒃᓴᐅᓯᐊᖅᑎᓪᓗᒍ


2015−ᒥᑦ ᓴᓚᒃᓴᖅᑐᑦ 

ᐅᑭᐅᑭᑦᑐᓕᕆᕕᕗᑦ ᑎᑎᕋᕐᕕᐊ ᓴᓚᒃᓴᐅᓯᐊᖃᖅᑎᑦᑎᓚᐅᖅᐳᑦ ᓇᓪᓕᐅᓐᓂᖅᓯᐅᖅᑎᓪᓗᒋᑦ ᑲᓇᑕᒥᑦ ᓱᕈᓰᑦ ᐅᓪᓗᐊᓂ ᓄᕕᑉᐱᕆ 20, 2015−ᒥᑦ. ᑖᓐᓇ ᓴᓚᒃᓴᐅᓯᖑᓚᐅᖅᑐᖅ ᖃᐅᔨᑎᑦᑎᓇᓱᐊᖅᖢᓂ ᑎᑎᕋᕐᕕᑦᑖᕆᓚᐅᖅᑕᕗᑦ ᐊᒻᒪ ᓄᓇᕗᒻᒥᐅᑦ ᒪᒃᑯᒃᑐᖏᑦ ᐱᔪᓐᓇᐅᑎᖏᓐᓄᑦ ᑐᓴᐅᒪᑎᓐᓇᓱᒡᓗᒋᑦ. 2015−ᒥᑦ ᐱᓇᓱᐊᓚᐅᖅᐳᑦ “ᐃᓕᖅᑯᓯᖃᕆᐊᖃᕐᓂᑦᑎᓐᓂᒃ.” ᐊᕐᕌᒍᔪᖅ ᐃᖅᑲᓇᐃᔭᖅᑎᑦᑎᓐᓂᒃ ᐱᓇᓱᐊᖅᑐᓂᒃ ᐅᐱᒍᓱᓚᐅᖅᐳᒍᑦ. ᓇᐃᓈᖅᓯᒪᔪᓂᒃ ᑎᑎᕋᖅᑐᖃᓚᐅᖅᐳᖅ ᓴᓇᕈᓗᔭᖅᖢᑎᒃ ᒪᒃᑯᒃᑐᓂᒃ ᐅᓂᒃᑲᐅᓯᖏᓐᓂᒃ ᓄᓇᕗᒻᒥᑦ ᖃᓄᖅ ᐃᓕᖅᑯᓯᖃᕆᐊᖃᕐᓂᑦᑎᓐᓂᑦ ᑕᒃᑯᓄᖓ ᑐᑭᖃᕐᒪᖔᑦ. ᓄᓇᕗᒻᒥᐅᑦ ᒪᒃᑯᒃᑐᖏᑦ ᐱᒃᑯᒍᓱᑦᑎᐊᓚᐅᖅᐳᑦ ᐃᓕᖅᑯᓯᕐᒥᓂᒃ! 

ᑎᑎᕋᕐᕕᕗᑦ ᐊᓕᓇᐃᒍᓱᒃᐳᑦ ᓴᓚᒃᓴᓚᐅᖅᑐᓂᒃ ᓯᕗᓪᓕᕐᒥᑦ ᐅᖃᐅᖃᕈᓐᓇᓚᐅᕐᒪᑕ ᐊᒃᑭᑦᑐᕋᐅᑎᑦᑎᓗᒋᑦ: 

ᑖᓄ ᑲᓪᓗᒃ − ᖃᐅᓱᐃᑦᑐᒥᑦ
ᒥᑭᓛᓂᑦ ᐃᓕᓐᓂᐊᖅᑐᑦ ᖁᑦᑎᖕᓂᓕᑦ 3−ᒧᑦ ᓴᓚᒃᓴᖅᑐᑦ
ᓴᓚᒃᓴᐅᓯᐊᖅ: ᓕᑉᕗᕋᒡ ᓕᐊᐸᑦ

“ᐱᒻᒪᕆᐅᕗᖅ ᐃᓕᖅᑯᓯᖅᐳᑦ ᐅᕙᓐᓄᑦ ᓱᖃᐃᒻᒪᑦ ᑭᓇᓂᐅᕆᒐᒃᑯᑦ.”

 

ᐳᕌᔭᓐ ᕉᑕᕝ − ᐅᖅᓱᖅᑑᖅ
ᓴᓚᒃᓴᖅᑐᑦ ᖁᑦᑎᖕᓂᓖᑦ 4−ᒥᑦ ᖁᑦᑎᖕᓂᓖᑦ 7−ᒧᑦ
ᓴᓚᒃᓴᐅᓯᐊᖅ: iPod Nano

“ᐱᔪᓐᓇᐅᑎᖃᖅᑐᖓ ᐃᓕᖅᑯᓯᕐᓂᒃ ᓱᖃᐃᒻᒪᑦ ᐊᖑᓇᓱᒋᐊᕈᓐᓇᕋᖅᑕᖅ ᓇᑦᑎᕋᓱᒋᐊᕐᓗᑕᓘᓐᓃᑦ ᐅᐱᕐᖔᖅᑯᑦ ᑐᒃᑐᑯᑕᓗ ᓇᑦᑎᖅᓯᐅᕆᐊᕐᓗᑕᓪᓗ ᓂᕐᓕᐅᕈᓐᓇᖅᖢᑕᓗ. ᐊᖑᓇᓱᒋᐊᕌᖓᒪ ᐃᓐᓇᐅᑉ ᖁᑭᐅᑎᐊᓂ ᐊᑐᐃᓐᓇᐅᔭᖅᑐᖓᑦ ᑐᒃᑐᒃᑯᑕᓗ, ᐃᓐᓇᑦᑎᓐᓂᒃ ᐊᔪᕆᖅᓱᖅᑕᐅᖃᑦᑕᕋᑕᑦ ᐊᒥᓕᕆᒋᐊᒃᓴᖅ ᑐᒃᑐᒥᑦ”.

 

ᓯᐅᕋ ᓴᒋᐊᒃᑐᖅ − ᑭᒻᒥᕈᑦ
ᓴᓚᒃᓴᖅᑐᖅ ᖁᑦᑎᖕᓂᓕᑦ 8−ᒥᑦ ᖁᑦᑎᖕᓂᓖᑦ 12−ᒧᑦ
ᓴᓚᒃᓴᐅᓯᐊᑦ: iPad Mini

“ᐃᓅᓂᕋ ᐅᐱᒋᕙᕋ. ᓯᓚᕐᔪᐊᒥᑦ 7 ᐱᓕᐊᓂᑦ ᐃᓄᖃᖅᐳᖅ ᐃᓅᕗᖓ, ᐱᒃᑯᒋᑦᑎᐊᖅᐸᕋ ᖁᔭᒋᓪᓗᒍᓗ. ᐃᓕᖅᑯᓯᖅᐳᖅ ᑲᑕᒡᔭᖃᑦᑕᖅᐳᒍᑦ, ᓇᑦᑎᕋᓱᒋᐊᖅᐸᒃᖢᑕ, ᐊᐅᓪᓛᖅᐸᒃᖢᑕ, ᐊᐅᔭᒃᑯᑦ ᐅᒥᐊᖅᑐᖅᐸᒃᖢᑕ ᐅᑭᐅᒃᑯᓪᓗ ᕿᒧᒃᓯᖅᐸᒃᖢᑕ. ᐃᖃᓗᖕᓄᐊᖅᑲᑦᑕᖅᐳᒍᑦ ᓯᑭᑑᒃᑯᑦ. ᓄᓂᕙᖃᑦᑕᖅᐳᒍᑦ, ᐊᕿᒋᖅᓯᐅᖅᐸᒃᖢᑕ ᐊᒻᒪ ᓂᕆᕕᒡᔪᐊᖃᑦᑕᖅᐳᒍᑦ ᐃᓄᓕᒫᑦ ᑐᖓᓱᒃᑎᑕᐅᓗᑎᑦ. ᑲᒻᒥᓯᐅᖑᕗᒍᑦ, ᖁᓕᖅᑕᐅᔭᓕᐅᖅᐸᒃᖢᑕ, ᓯᓚᐹᓕᐅᖅᐸᒃᖢᑕ ᐳᐊᓕᖕᓂᓗ ᕿᓯᖕᓂᑦ ᓴᓇᓯᒪᔪᓂᒃ, ᑎᕆᒐᓂᐊᒃᓴᔭᓂᒃ ᓄᐃᓚᖃᖅᖢᑎᒃ, ᐅᑲᓕᕐᕋᔭᑦ ᐊᓯᖏᓪᓗ ᓂᕐᔪᑎᑦ. ᐃᓕᖅᑯᓯᑦᑎᓐᓂᒃ ᑭᓇᓕᒫᖅ ᐊᖏᕋᑦᑎᓐᓂᑦ ᑐᙵᓱᒃᐳᑦ. ᐊᐅᓪᓛᖅᖢᓂ ᐃᓅᖁᔨᒋᒐᒃᑯᑦ. ᓱᓕᔪᖓ, ᐃᓅᓂᕋ ᐱᒃᑯᒋᔭᕋ. ᑭᒻᒥᕈᒻᒥᐅᑦ ᒪᒃᑯᒃᑐᖏᑦ ᐊᐅᓪᓚᕈᓐᓇᖅᓯᓂᐊᓯᔪᑦ ᓯᕙᑖᕐᕕᓕᒫᑦ ᐱᓇᓱᐊᕈᓯᐅᓕᒑᔪᓂᒃ 10−ᓂᑦ ᐊᖑᓇᓱᒃᑎᑕᐅᓗᑎᑦ, ᐃᖃᓪᓕᐊᕐᓗᑎᒃ, ᐊᕿᒋᕋᓱᒋᐊᕐᓗᑎᑦ ᐃᒡᓗᕕᒐᓕᐅᓕᒻᒪᒃᓴᖅᑎᑕᐅᓗᑎᒡᓗ. ᐊᓕᐊᓇᐃᓕᒑᔪᐊᓗᒃ ᐃᓕᓐᓂᐊᒃᑲᓐᓂᕐᓗᖓ ᐃᓕᖅᑯᓯᕐᓂᒃ.”

 

ᓇᑦᑎᓕᒃ ᐃᓕᓐᓂᐊᕐᕕᐊᓗᐊ − ᑕᓗᕐᔪᐊᖅ
ᓴᓚᒃᓴᖅᑐᖅ ᐃᓕᓐᓂᐊᖅᑎᑦ ᐱᖃᑕᐅᔪᕕᓃᑦ
ᓴᓚᒃᓴᐅᓯᐊᑦ: ᐲᑦᓴᒥᑦ ᖁᐊᕕᓱᖃᖅᑎᒌᒃᑐᑦ