ᐅᓂᒃᑳᓯ, ᓂᐱᓯ ᓵᓚᒃᓴᕋᓲᑕᐅᔪᑦ


ᐅᓂᒃᑳᓯ, ᓂᐱᓯ ᓵᓚᑦᓴᕋᓱᐊᕈᑕᐅᔪᑦ

ᐅᕕᒍᓱᑦᑐᒍᑦ ᖁᕕᐊᓲᑎᖃᕐᓂᕐᒥᑦ ᑲᓇᑕᒥ ᓄᑕᖅᑲᐃᑦ ᐅᓪᓗᖓᓂᑦ ᐅᓂᒃᑳᓯ, ᓂᐱᓯ ᓵᓚᑦᓴᕋᓱᐊᕈᑕᐅᔪᑦ.  

ᑲᓇᑕᒥ ᓄᑕᖅᑲᐃᑦ ᐅᓪᓗᖓ ᑕᑯᓐᓇᖅᑕᐅᒻᒪᑦ ᓄᓇᕐᔪᐊᓕᒫᒥᑦ ᓇᓗᓇᐃᖅᓯᓂᕐᒥᑦ ᐊᑎᓕᐅᖅᑕᐅᓂᖓᓄᑦ ᓄᓇᕐᔪᐊᕐᒥᑦ ᑲᑎᒪᕐᔪᐊᕐᑐᑦ ᓄᑕᖅᑲᑦ ᐱᔪᓐᓇᑎᖏᑦ ᐱᔾᔪᑕᐅᓪᓗᑎᒃ. ᐅᓪᓗᖅ ᖁᕕᐊᓲᑎᖃᕐᓂᐅᒻᒥᔪᖅ ᓄᑕᖅᑲᓂᑦ ᓄᑕᖅᑲᐃᓪᓗ ᐱᔪᓐᓇᑎᐅᖏᓐᓂᒃ.

ᓄᑕᖅᑲᕐᓄᑦ ᒪᒃᑯᑦᑐᓐᓄᓗ ᑭᒐᖅᑐᐃᔩᑦ ᐊᓪᓚᕝᕕᖓ, ᖁᕕᐊᓲᑎᖃᖅᑐᒍᑦ ᑖᑦᓱᒪᖓ ᐱᒻᒪᕆᐅᔪᒥᑦ ᐅᓪᓗᒻᒥᑦ ᐊᕐᕌᒍᑕᒫᑦ  ᓵᓚᑦᓴᖅᑎᑦᓯᖃᑦᑕᕋᑦᑕ. ᑕᐃᓯᒪᔭᕗᑦ ᐅᓂᒃᑳᓯ, ᓂᐱᓯ ᐱᔾᔪᑎᒋᑦᓱᒍ ᓱᓕᔪᖅᓴᕐᓂᖃᕋᑦᑕ ᓄᑕᖅᑲᓕᒫᑦ ᐱᔪᓐᓇᐅᑎᖃᕐᒪᑕ ᓂᐱᖏᑦ ᑐᓴᖅᑕᐅᓂᖏᓐᓂᑦ ᓄᑕᖅᑲᓕᒫᓪᓗ ᐅᓂᒃᑳᖃᕐᒪᑕ ᐊᑑᑎᖃᓪᓚᕆᑦᑐᒥᑦ. ᐃᓕᑕᖅᓯᒻᒥᔪᒍᑦ ᐱᒻᒪᕆᐅᓂᖏᓐᓂᑦ ᓂᐱᖏᑦ ᓄᑕᖅᑲᐃᑦ ᒪᒃᑯᑐᐃᓪᓗ ᓄᓇᕗᒻᒨᕈᓐᓇᖅᑕᖏᑦ.