ᐃᒫᒃ ᐃᑲᔪᖅᐸᑦᑐᒍᑦ


ᖃᓄᐃᓕᐅᓲᖑᖕᒪᖔᑦᑕ

ᐊᒡᓚᒡᕕᒃᐳᑦ ᐃᑲᔪᖃᑦᑕᖅᑐᑦ ᓄᓇᕗᒻᒥᐅᑦ ᒪᒃᑯᒃᑐᖁᑎᖏᓐᓂᒃ ᖃᐅᔨᓇᓱᐊᕐᓗᑎᒃ ᐱᔪᓐᓇᐅᑎᒥᖕᓂᑦ ᓇᓗᓇᐃᖅᐸᒃᑭᓪᓗᑕ ᓄᓇᕗᑦ ᒐᕙᒪᒃᑯᖓ ᐃᑲᔪᖅᓯᕋᓗᐊᕐᒪᖔᑦ ᐸᐸᑦᑎᓇᓱᐊᕋᓗᐊᕐᒪᖔᓪᓗ ᑕᒪᒃᑯᓂᖓ ᐱᔪᓐᓇᐅᑎᒋᔭᐅᔪᓂᒃ.

ᐱᓗᐊᖅᑐᒥᑦ, ᒪᑯᓂᖓ ᓇᓗᓇᐃᖃᑦᑕᖅᐳᒍᑦ:

  • ᐱᓇᓱᐊᕈᓐᓇᕐᓂᕐᓂᑦ ᒐᕙᒪᐅᑉ ᐱᓕᕆᐊᒃᓴᖏᓐᓂᒃ ᐱᔨᑦᑎᕋᐅᑎᖏᓐᓂᒡᓗ
  • ᒐᕙᒪᐅᑉ ᐱᓕᕆᐊᒃᓴᖏᑦ ᐱᔨᑦᑎᕋᐅᑎᖏᓪᓗ ᑎᑭᐅᒪᖕᒪᖔᑦ ᐱᔭᕆᐊᖃᖅᑕᕐᓄᑦ
  • ᒐᕙᒪᒃᑯᑦ ᐃᓱᒪᒋᔭᖃᕐᒪᖔᑦ ᐃᓱᒪᒋᔭᕐᓂᑦ ᐃᓕᖕᓄᑦ ᐃᓱᒪᓕᐅᕆᔭᖓᓄᑦ

ᐃᒫᒃ ᐃᑲᔪᖅᐸᑦᑐᒍᑦ- ᐃᓛᒃᑯᑦ ᑭᒡᒐᖅᑐᐃᓂᖅ

ᐃᑲᔪᕈᑎᒋᖃᑦᑕᕐᒥᔭᕗᑦ ᐃᓛᒃᑯᑦ ᑭᒡᒐᖅᑐᐃᓪᓗᑕ. ᑖᓐᓇ ᑐᑭᖃᖅᐳᖅ ᐊᑕᐅᓯᕐᒥᑦ ᒪᒃᑯᒃᑐᒥᑦ ᐃᓛᒃᑯᑦ ᐃᑲᔪᕐᓗᑕ. ᐃᒪᐃᑦᑐᓐᓇᖅᑐᒍᑦ:

  • ᑐᑭᓯᒋᐊᕈᑎᖃᖅᑎᓪᓗᑦᑎᒋᑦ ᐱᔪᓐᓇᐅᑎᕕᑦ ᒥᒃᓵᓄᑦ
  • ᐃᑲᔪᕐᓗᑦᑎᒋᑦ ᐃᓚᑎᓪᓘᓐᓃᑦ ᐱᔨᑦᑎᕋᐅᑎᓯᐅᕈᑎᓗᒋᑦ ᐱᓕᕆᐊᒃᓴᓂᓪᓘᓐᓃᑦ ᐱᔭᕆᐊᖃᖅᑕᕐᓂᑦ
  • ᐃᓕᓐᓂᐊᖅᑎᓪᓗᑦᑎᒋᑦ ᖃᓄᖅ ᓇᓗᓇᐃᕈᓐᓇᕐᒪᖔᖅᐱᑦ ᐱᔭᕆᐊᖃᖅᑕᕐᓂᑦ
  • ᐃᓚᐅᖃᑕᐅᔪᓐᓇᖅᓯᑎᓪᓗᑎᑦ ᐃᓱᒪᓕᐅᕆᔭᐅᓇᓱᐊᖅᑐᓄᑦ ᐃᒡᕕᑦ ᒥᒃᓵᓄᑦ
  • ᐃᒃᓯᕚᖃᑎᒋᓗᑦᑎᒋᑦ ᑲᑎᒪᖃᑎᖃᖅᑎᓪᓗᑎᑦ ᐋᓐᓂᐊᓯᐅᖅᑎᒥᒃ, ᐃᓄᓕᕆᔨᒥᒃ, ᐅᐊᑦᑎᔨᒥᒃ, ᐊᓯᖏᓐᓂᒡᓘᓐᓃᑦ ᒐᕙᒪᒥ ᐃᖅᑲᓇᐃᔭᖅᑎᒥᒃ

ᖃᓄᖅ ᐃᑲᔪᕐᓂᕗᑦ ᐃᓕᖕᓂ ᑕᑎᖃᖅᐳᖅ ᑭᓱᒥᒃ ᐱᔭᕆᐊᖃᕐᒪᖔᖅᐱᑦ ᖃᓄᕐᓗ ᐅᕙᑦᑎᓐᓄᑦ ᐅᖃᕐᒪᖔᖅᐱᑦ!

ᐊᓯᖏᑦᑎᒍᑦ ᐃᑲᔪᕈᓯᖅᐳᑦ

ᐊᒡᓚᒡᕕᒃᐳᑦ ᐱᓕᕆᐊᖃᖃᑦᑕᕆᕗᑦ ᐱᖓᓲᓕᖓᔪᓂᒃ:

  • ᐊᑕᖐᓗᑎᒃ ᑭᒡᒐᖅᑐᐃᓂᖅ - ᐃᓛᓐᓂᒃᑯᑦ ᒪᒃᑯᒃᑐᑦ ᐊᑐᖃᑦᑕᖅᐳᑦ ᐊᑕᐅᓯᕐᒥᑦ ᖃᓄᐃᔾᔪᑕᐅᔪᒥᒃ. ᑖᓐᓇ ᑕᐃᔭᕗᑦ “ᐊᖏᔪᖅ” ᖃᓄᐃᔾᔪᑕᐅᔪᖅ. ᐃᓱᒫᓘᑎᖃᕈᕕᑦ ᒐᕙᒪᐅᑉ ᒪᓕᒐᖓᓐᓂᒃ, ᐊᑐᐊᒐᖓᓐᓂᒃ, ᐱᓕᕆᐊᒃᓴᖏᓐᓂᒃ ᐱᔨᑦᑎᕋᐅᑎᖏᓐᓂᒡᓘᓐᓃᑦ ᑕᑯᒋᐊᖁᓇᔭᖅᑕᕐᓄᑦ, ᖃᐅᔨᒋᐊᕐᕕᒋᑎᒍᑦ. ᖃᐅᔨᒪᔪᑎᑦ ᖃᓄᐃᔾᔪᑎᖃᕐᒪᖔᑦ ᒪᒃᑯᒃᑐᑦ ᓄᓇᕗᒻᒥ ᐅᓪᓗᒥᐅᔪᖅ!

  • ᕿᒥᕐᕈᓂᖅ ᐋᓐᓂᕈᑕᐅᔪᓄᑦ ᐃᓅᔪᓐᓃᕈᑕᐅᔪᓄᓪᓗ - ᒪᒃᑯᒃᑐᖅ ᐱᕐᕈᓗᐊᕿᒍᓂ ᐃᓅᔪᓐᓃᕈᓂᓘᓐᓃᑦ, ᕿᒥᕐᕈᔪᓐᓇᖅᑐᒍᑦ ᖃᓅᓚᐅᕐᒪᖔᑦ. ᑕᒪᒃᑯᐊ ᕿᒥᕐᕈᓂᐅᔪᑦ ᐊᑐᓕᖁᔭᐅᔾᔪᑕᐅᒐᔪᒃᐳᑦ ᑕᐃᒫᒃᑲᓐᓂᖅ ᐊᑐᙱᔾᔪᑕᐅᔪᓐᓇᖅᑐᓂᒃ ᓯᕗᓂᒃᓴᒥᑦ. ᑭᓯᐊᓂᓕ, ᑕᒪᑐᒥᖓ ᐱᒋᐊᓚᐅᙱᑦᑐᒍ ᓱᓕ. ᐱᕕᕗᑦ ᐊᑐᖅᑕᕗᑦ ᖃᐅᔨᓴᒃᑲᓐᓂᖅᖢᑎᒍᓪᓗ ᓇᓗᓇᐃᕈᒪᓪᓗᑕ ᐊᒡᓚᒡᕕᒃᐳᑦ ᐱᕙᒌᔭᖅᓯᒪᑦᑎᐊᕋᓗᐊᕐᒪᖔᑦ ᐃᒃᐱᖕᓂᓴᕋᐃᓐᓇᖅᑐᓂᒃ ᖃᐅᔨᓴᕈᓐᓇᕐᓂᕐᒧᑦ.

  • ᑭᒃᑯᑐᐃᓐᓇᕐᓂᑦ ᐅᔾᔨᕈᓱᒃᑎᑦᑎᓂᖅ - ᐊᒡᓚᒡᕕᒃᐳᑦ ᓄᓇᕗᒻᒥᐅᓕᒫᓂᒃ ᑐᑭᓯᐅᒪᑎᑦᑎᔪᒪᕗᖅ ᓱᕈᓯᕐᓂᑦ ᐱᔪᓐᓇᐅᑎᒋᔭᐅᔪᓂᒃ ᖃᓄᐃᓕᐅᖃᑦᑕᕐᒪᖔᓪᓗ ᐊᒡᓚᒡᕕᒃᐳᑦ.