2016−ᒥᑦ ᐅᓂᒃᑳᓯ, ᓂᐱᓯ ᓵᓚᒃᓴᕋᓲᑕᐅᔪᑦ


ᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑉ ᐊᓪᓚᕝᕕᐊ ᑭᖑᓪᓕᕐᒥ ᐊᕐᕌᒍᒥ ᐱᓂᑭᓴᐅᑎᑦᑎᓚᐅᖅᑐᑦ ᐅᓂᒃᑳᑦ, ᓂᐲᑦ ᓇᓪᓕᐅᓂᖅᓯᐅᖅᑐᑎᑦ ᑲᓇᑕᒥ ᓱᕈᓰᑦ ᐅᓪᓗᖓᓂᒃ ᓄᕖᕝᕙ 20, 2016-ᖑᑎᓪᓗᒍ.  ᑕᒪᓐᓇ ᐱᓂᑭᓴᐅᑎᑎᑦᑎᓂᖅ ᐅᔾᔨᕈᓱᓕᖅᑎᑦᑎᓚᐅᕐᒪᑦ ᐊᓪᓚᕕᑦᑎᓐᓂᑦ ᐊᒻᒪᓗ ᒪᒃᑯᒃᑐᑦ ᓄᓇᕗᒻᒥᐅᑦ ᐅᖃᐅᓯᖃᕆᐊᓯᑎᑕᐅᓗᑎᑦ ᐱᔪᓐᓇᐅᑎᖏᓐᓂᑦ.

ᑐᙵᕕᒋᔭᐅᓚᐅᖅᑐᖅ 2016-ᒥ “ᐱᔪᓐᓇᐅᑏᑦ ᐃᓚᐅᖃᑕᐅᓗᑎᑦ.”  ᑕᒫᓂ ᐊᕐᕌᒍᒥ, ᐊᐱᕆᓚᐅᖅᑐᒍᑦ ᓄᓇᕗᑦ ᐃᓕᓐᓂᐊᕐᕕᖏᓐᓄᑦ ᐊᐅᓪᓚᑎᑦᑎᕕᐅᔪᒪᓪᓗᑕ ᐃᓕᓐᓂᐊᕐᕕᑉ ᐃᒡᓗᕈᓯᖏᓐᓂᒃ ᒪᑐᒨᖅᑲᖅᑕᐅᒐᔭᖅᑐᓂᑦ ᐅᕝᕙᓘᓐᓃᑦ ᐊᕙᓗᓄᑦ ᑐᙵᕕᒋᔭᐅᔪᑉ ᒥᒃᓵᓅᖓᔪᓂᑦ ᑕᑯᒃᓴᑎᑦᑎᓗᑎᑦ.  ᐱᖓᓲᔪᖅᑐᓂᑦ ᐃᓕᓐᓂᐊᖅᑐᓂᑦ ᐃᒡᓗᕈᓯᕐᓂᑦ ᐱᓚᐅᖅᑐᒍᑦ − ᐊᑐᓂ ᑕᑯᒃᓴᐅᑎᑦᑎᓪᓗᑎᑦ ᖃᓄᖅᑑᕈᓐᓇᕐᓂᖏᓐᓂᑦ ᐊᒻᒪᓗ ᐊᔾᔨᐅᙱᑦᑑᓂᖏᓐᓂᑦ ᒪᒃᑯᒃᑐᑦ ᓄᓇᕗᒻᒥᐅᑦ!

ᑕᒫᓂ ᐊᕐᕌᒍᒥ ᓵᓚᒃᓴᓚᐅᖅᑐᑦ ᐅᑯᐊ:

  • ᒥᑭᔫᑕᐅᓂᖅᐹᓂ − 3 ᖁᑦᑎᓐᓂᓖᑦ ᐃᓕᓐᓂᐊᖅᑏᑦ − ᐅᖅᓱᖅᑑᖅ − ᖁᖅᓱᓐ ᐃᓕᕼᐊᕕᒃ − ᑳᑐᕆᓐ ᐃᓕᕼᐃᑐᒃ P3 ᖁᑦᑎᓐᓂᓖᑦ ᐃᓕᓐᓂᐊᖅᑎᖁᑎᖏᑦ
  • 4-7 ᖁᑦᑎᓐᓂᓖᑦ ᐃᓕᓐᓂᐊᖅᑏᑦ − ᐅᖅᓱᖅᑐᖅ ᒥᑭᔫᑕᐅᓂᖅᓴᓂ ᐃᓕᓐᓂᐊᖅᑐᑦ 5-ᓂᑦ ᖁᑦᑎᓐᓂᓖᑦ − ᖁᖅᓱᓐ ᐃᓕᕼᐊᕕᒃ − ᔪᐊᓂ ᓴᓪᓕᕇᓇᑉ P5 ᖁᑦᑎᓐᓂᓖᑦ ᐃᓕᓐᓂᐊᖅᑎᖁᑎᖏᑦ
  • 8-12 ᖁᑦᑎᓐᓂᓖᑦ ᐃᓕᓐᓂᐊᖅᑏᑦ − ᐊᕐᕕᐊᑦ − ᕿᑎᖅᖠᖅ ᐃᓕᓐᓂᐊᕐᕕᒃ − ᔭᐃᒥ ᓵᒥᐅᑉ ᖁᑦᑎᓐᓂᓖᑦ 8 ᐃᓕᓐᓂᐊᖅᑎᖁᑎᖏᑦ.

ᐅᐱᒋᓪᓗᒋᑦ ᓱᕈᓰᑦ ᐱᔪᓐᓇᐅᑎᖃᕐᓂᖏᑦ ᐃᓚᐅᖃᑕᐅᓗᑎᑦ, ᐃᓕᓐᓂᐊᖅᑏᑦ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᑉ ᐊᓪᓚᕝᕕᐊᓂᑦ ᖃᓄᐃᑦᑑᒐᔭᕐᒪᖔᖅ ᐊᑐᓂ ᐃᓕᓐᓂᐊᖅᑏᑦ ᐱᔾᔪᓯᐊᖏᑦ.

ᖁᔭᓐᓇᒦᖅᑕᐃᓐᓇᕆᕙᕗᑦ ᐱᓂᑭᓴᐅᑎᖃᑕᐅᓚᐅᖅᑐᑦ:

  • ᐅᖅᓱᖅᑐᖅ − ᖁᖅᓱᓐ ᐃᓕᕼᐊᕕᒃ ᖁᑦᑎᓐᓂᓖᑦ P3 ᐃᓕᓐᓂᐊᖅᑏᑦ
  • ᐅᖅᓱᖅᑐᖅ − ᖁᖅᓱᓐ ᐃᓕᕼᐊᕕᒃ ᖁᑦᑎᓐᓂᓖᑦ P4 ᐃᓕᓐᓂᐊᖅᑏᑦ
  • ᐅᖅᓱᖅᑐᖅ − ᖁᖅᓱᓐ ᐃᓕᕼᐊᕕᒃ ᖁᑦᑎᓐᓂᓖᑦ P5 ᐃᓕᓐᓂᐊᖅᑏᑦ
  • ᐅᖅᓱᖅᑐᖅ − ᖁᖅᓱᓐ ᐃᓕᕼᐊᕕᒃ ᖁᑦᑎᓐᓂᓖᑦ I1 ᐃᓕᓐᓂᐊᖅᑏᑦ
  • ᐊᕐᕕᐊᑦ − ᕿᑎᖅᖠᖅ ᐃᓕᓴᕕᒃ ᖁᑎᓐᓂᓖᑦ 8A ᐃᓕᓐᓂᐊᖅᑏᑦ
  • ᐊᕐᕕᐊᑦ − ᕿᑎᖅᖠᖅ ᐃᓕᓴᕕᒃ 8B ᖁᑦᑎᓐᓂᓖᑦ ᐃᓕᓐᓂᐊᖅᑏᑦ

ᐊᕐᕌᒎᓛᖅᑐᒧᑦ ᓂᕆᐅᑦᑎᐊᖅᐳᒍᑦ!

 

ᓄᓇᕗᒻᒥ ᑎᑎᕋᕐᕕᖓ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐅᐱᑉᐳᑦ ᐅᖃᐅᓯᖃᕐᓂᕐᒧᑦ ᓴᖅᑭᑎᑕᐅᓂᖓᓂ 2016-ᒥ ᐅᓂᒃᑳᓯ, ᓂᐱᓯ ᓵᓚᒃᓴᕋᓲᑕᐅᔪᑦ. 

ᐱᒋᐊᓚᐅᖅᓯᒪᕗᒍᑦ ᓵᓚᒃᓴᕈᓲᑕᐅᔪᒥᑦ ᒪᒃᑯᒃᑐᓄᑦ ᐃᓄᖕᓄᑦ 2015-ᒥ – ᐱᕈᖅᓴᐃᓂᕐᒧᑦ ᐅᔾᔨᕈᓱᖕᓂᐅᔪᒥᑦ ᑲᓇᑕᓕᒫᒥ ᓄᑕᖅᑲᓄᑦ ᐅᓪᓗᖓᓂ, ᓄᑕᖅᑲᑦ ᐱᔪᓐᓇᐅᑎᖏᓐᓂ ᐊᒻᒪᓗ ᑎᑎᕋᕐᕕᑦᑎᓐᓂ. ᑲᓇᑕᓕᒫᒥ ᓄᑕᖅᑲᓄᑦ ᐅᓪᓗᖓ ᐅᔾᔨᕆᔭᐅᓲᖑᕗᖅ ᐊᕐᕌᒍᑕᒫᒥ ᓄᕕᐱᕆ 20-ᒥ ᓇᓗᓇᐃᖅᓯᓂᕐᒧᑦ ᐊᑎᓕᐅᖅᑕᐅᓂᖓᓂ ᓄᓇᕐᔪᐊᕐᒥ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ.

2016-ᒥ, ᓵᓚᒃᓴᕋᓲᑕᐅᓂᖃᒃᑲᓐᓂᖅᐳᒍᑦ ᒪᒃᑯᒃᑐᓄᑦ ᓄᓇᕗᒻᒥᐅᓄᑦ. ᑭᓯᐊᓂ, ᑭᐅᓂᕐᒧᑦ ᐅᖃᐅᓯᒃᓴᐅᔪᓂ ᐃᓕᓐᓂᐊᕐᕕᓂᑦ, ᑕᒪᑐᒪᓂ ᐊᕐᕌᒍᒥ ᐊᔾᔨᒋᐊᙱᕐᔪᒃᑕᒥᒃ ᐱᓕᕆᓂᖃᕐᓂᐊᖅᐳᒍᑦ. 2016-ᒥ, ᐃᓄᖕᓂᑦ ᑎᑎᕋᕐᓂᒃᑯᑦ ᓵᓚᒃᓴᕋᓲᑕᐅᓂᖃᕐᓂᐅᔪᒥᐅᙱᑦᑐᖅ, ᐊᐱᕆᕗᒍᑦ ᐃᓕᓐᓂᐊᖅᑎᓂᑦ ᑎᑎᕋᐅᔭᕐᓂᐅᔪᓂᑦ ᑐᓂᓯᓂᐅᔪᓂᑦ ᓇᓕᐊᑐᐃᓐᓇᓂᒃ ᓂᕕᙵᑕᓕᐊᖑᔪᓂᑦ ᐹᒧᓪᓘᓐᓃᑦ ᑕᖅᓯᖅᓱᕈᑕᐅᔪᓄᑦ, ᑕᒪᒃᑭᑦ ᐃᓕᓐᓂᐊᖅᑎᐅᔪᑦ ᐃᓕᓴᕐᕕᖓᓐᓂ ᐱᓕᕆᖃᑎᒌᒡᓗᑎᒃ ᓴᓇᓂᕐᒧᑦ ᑕᑯᒃᓴᐅᓂᐅᔪᒥ ᐅᖃᐅᓯᖃᕐᓂᐅᔪᒥᑦ ᑕᒪᑐᒧᖓ ᐊᕐᕌᒎᔪᒥᑦ ᖃᓄᐃᓕᖓᓂᕆᓂᐊᖅᑕᖓᓂᑦ!

ᖃᓄᐃᓕᖓᓂᕆᓂᐊᖅᑕᑦᑎᓐᓂ 2016-ᒧᑦ

2016-ᒥ, ᖃᓄᐃᓕᖓᓂᕆᓂᐊᖅᑕᖓ ᐅᓂᒃᑳᓯ, ᓂᐱᓯ ᓵᓚᒃᓴᕋᓲᑕᐅᔪᑦ ᓄᑕᖅᑲᓄᑦ ᐱᔪᓐᓇᐅᑏᑦ ᐃᓚᐅᖃᑕᐅᓂᕐᒧᑦ. ᑖᓐᓇ ᐱᔪᓐᓇᐅᑎ ᐱᒻᒪᕆᐅᓪᓗᓂ ᐃᓚᒋᔭᐅᕗᖅ ᑲᑎᒪᕐᔪᐊᖅᑐᑦ ᓄᑕᖅᑲᑦ ᐱᔪᓐᓇᐅᑎᖏᑦ ᐱᔾᔪᑕᐅᓪᓗᑎᒃ. ᐃᒻᒪᖄ, ᑲᑎᒪᕐᔪᐊᖅᑐᑦ ᑐᙵᕕᒋᕙᐅᒃ: ᓄᑕᖅᑲᑦ ᐱᔪᓐᓇᐅᑎᖃᕐᓂᖏᓐᓂ ᑐᓂᓯᓂᕐᒥᑦ ᐃᓱᒪᒋᔭᒥᓂᑦ ᐃᓱᒪᓕᐊᖑᔪᓄᑦ ᐃᒻᒥᖕᓂ ᐊᒃᑐᐃᓂᖃᖅᑐᓄᑦ. ᑕᒪᓐᓇ ᑐᑭᖃᙱᓚᖅ ᓄᑕᖅᑲᑦ ᐊᐅᓚᑦᑎᕙᖕᓂᖏᓐᓂ ᐃᓱᒪᓕᐅᕆᓂᕐᓂ. ᑐᑭᖃᖅᐳᖅ ᓄᑕᖅᑲᑦ ᐃᓱᒪᒋᔭᖏᑦ ᐃᓱᒪᒋᔭᐅᓪᓗᐊᖅᐳᑦ ᐃᓚᓕᓲᖑᖕᒪᑕ ᐱᐅᓂᐅᔪᒥᒃ ᐃᓱᒪᓕᐅᕆᓂᕐᒧᑦ ᐱᓕᕆᔾᔪᓯᖓᓐᓂ.

ᖃᔅᓯᒐᓚᐃᑦ ᐃᓚᖏᑦ ᑎᑎᕋᖅᑕᐅᓯᒪᔪᓄᓪᓘᓐᓃᑦ ᑲᑎᒪᕐᔪᐊᖅᑐᒥᑦ ᑲᑎᓐᓂᖓᓄᑦ ᐱᔪᓐᓇᐅᑏᑦ ᐃᓚᐅᖃᑕᐅᓂᕐᒧᑦ, ᐃᓚᖃᖅᖢᓂ ᑎᑎᕋᖅᑕᐅᓯᒪᔪᓄᑦ 12 ᐊᒻᒪᓗ 13-ᒥ. ᑎᑎᕋᖅᑕᐅᓯᒪᔪᑦ 12 ᐅᖃᖅᓯᒪᕗᖅ ᓄᑕᖅᑲᑦ ᐱᔪᓐᓇᐅᑎᖃᕐᓂᖏᓐᓂ ᐅᖃᐅᓯᕆᓂᖏᓐᓂ ᐃᓱᒪᒋᔭᖏᓐᓂ ᐊᒻᒪᓗ ᐃᓐᓇᐃᑦ ᓈᓚᓪᓗᐊᕐᓂᖏᓐᓂ. ᑎᑎᕋᖅᑕᐅᓯᒪᔪᑦ 13 ᓄᑕᖅᑲᑦ ᐱᔪᓐᓇᐅᑎᖃᖅᐳᑦ ᐃᒻᒥᓂᒃ-ᖃᓄᐃᓕᐅᕈᓯᖏᓐᓂᒃ ᑕᑯᒃᓴᐅᑎᑦᑎᓂᕐᒥᑦ ᖃᓄᐃᑦᑐᑐᐃᓐᓇᑎᒍᑦ ᓂᕈᐊᖅᑕᒥᓂᑦ,  – ᑎᑎᕋᕐᓂᒃᑯᑦ, ᑎᑎᕋᐅᔭᕐᓂᒃᑯᑦ, ᐅᖃᓪᓚᖕᓂᒃᑯᑦ – ᓱᔪᐃᙱᑐᐊᖅᐸᑦ ᐊᑲᖅᓴᙱᑎᑦᑎᖏᒃᑯᓂᓗ ᐊᓯᖏᓐᓂᑦ.

ᓵᓚᒃᓴᕋᓲᑕᐅᔪᑦ ᒪᓕᒋᐊᓕᖏᑦ

1.    ᓵᓚᒃᓴᕋᓲᑕᐅᔪᑦ ᐅᒃᑯᐃᕐᓂᐊᖅᐳᖅ ᐅᒃᑐᐱᕆ 17, 2016-ᒥ ᐊᒻᒪᓗ ᒪᑐᓗᓂ 5-ᒥ ᐅᓐᓄᒃᑯᑦ UTC (ᐱᖓᓐᓇᖅᐸᓯᐅᑉ ᐃᑲᕐᕋᖓᓐᓂ) ᓄᕕᐱᕆ 4, 2016-ᒥ.

2.   ᓵᓚᒃᓴᕋᓲᑕᐅᔪᑦ ᒪᑐᐃᖓᕗᖅ ᐃᓕᓐᓂᐊᖅᑎᑦᑎᕕᐅᔪᓄᑦ ᓄᓇᕗᒻᒥ ᐃᓄᓕᒫᓄᑦ ᐃᓕᓐᓂᐊᕐᕕᓂᑦ ᐱᒋᐊᓕᓵᖅᑐᓂᑦ ᖁᑦᑎᖕᓂᓕᖕᓄᑦ 12-ᒧᑦ.

3.   ᑭᒡᓕᖃᖅᐳᑦ ᐊᑕᐅᓯᕐᒥ ᐃᓯᕈᑎᐅᖃᑕᐅᓪᓚᕆᖕᓂᐅᔪᒥᒃ ᐊᑐᓂ ᐃᓕᓐᓂᐊᖅᑎᑦᑎᕕᐅᔪᓄᑦ.

4.   ᐊᓪᓚᕕᖕᒧᑦ ᐱᔾᔪᑕᐅᔪᓄᑦ, ᐃᓕᓐᓂᐊᕐᕕᐊᕈᓯᕐᓄᑦ ᐃᓕᓴᐃᔨᖏᑦ ᑐᓂᓯᓪᓗᐊᖅᐳᑦ ᐃᓯᕈᑎᖏᓐᓂ ᑭᒡᒐᖅᑐᐃᓗᑎᒃ ᐃᓕᓐᓂᐊᖅᑎᑦᑎᕕᐅᔪᓄᑦ.

5.   ᐃᓯᕈᑎᖏᑦ ᓇᓕᐊᑐᐃᓐᓇᐅᔪᓐᓇᖅᐳᖅ ᓂᕕᙵᑕᓕᐊᖑᔪᓂᑦ ᐹᒧᓪᓘᓐᓃᑦ ᑕᖅᓯᖅᓱᕈᑕᐅᔪᓄᑦ ᐃᒻᒥᓂᒃ-ᖃᓄᐃᓕᐅᕈᓯᖏᓐᓂᒃ ᑕᑯᒃᓴᐅᑎᑦᑎᔪᒥᒃ ᐱᔪᓐᓇᐅᑏᑦ ᐃᓚᐅᖃᑕᐅᓂᕐᒧᑦ. ᐅᖃᐅᓯᒃᓴᒃᑲᓐᓂᕐᓂ ᐱᔪᒪᒍᕕᑦ ᑖᔅᓱᒥᖓ ᐱᔪᓐᓇᐅᑎᒥᒃ, ᕿᒥᕐᕈᐊᕈᒃ ᑐᑭᓯᐅᒪᔾᔪᑎᓂᒃ ᐅᖃᐅᓯᒃᓴᖏᓐᓂ ᐊᒻᒪᓗ ᐊᑐᖅᑕᐅᔪᓐᓇᖅᑐᓄᑦ ᑎᑎᖅᑲᓂᑦ ᑐᓂᔭᐅᓯᒪᔪᓂᑦ. ᐃᓯᕈᑕᐅᔪᑦ ᖃᐅᔨᓴᖅᑕᐅᓂᐊᖅᐳᑦ ᐃᓱᒪᑐᓂᖏᓐᓄᑦ, ᐊᔾᔨᖃᙱᓐᓂᖓᓄᑦ ᐊᒻᒪᓗ ᓇᓚᐅᓯᒪᑦᑎᐊᕐᓂᖓᓐᓄᑦ ᖃᓄᐃᓕᐅᕈᓯᖏᓐᓂᒃ ᑕᑯᒃᓴᐅᑎᑦᑎᔪᒥᒃ ᓄᑕᖅᑲᓄᑦ ᐱᔪᓐᓇᐅᑏᑦ ᐃᓚᐅᖃᑕᐅᓂᕐᒧᑦ.

6.   ᐃᓕᓐᓂᐊᖅᑎᑦᑎᕕᐅᔪᑦ ᖃᕋᓴᐅᔭᑎᒍᑦ ᓇᒃᓯᐅᔾᔨᓪᓗᐊᖅᐳᑦ (ᓇᓕᐊᑐᐃᓐᓇᖅ JPG ᐅᕝᕙᓘᓐᓃᑦ PNG ᑎᑎᖅᑲᖁᑕᐅᔪᓄᑦ) ᐅᕗᖓ ᑎᑎᕋᕐᕕᖓ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᐅᕗᖓ: contact@rcynu.ca.

7.   ᐃᓯᕈᑕᐅᔪᑦ ᐃᓚᖃᕆᐊᖃᖅᐳᑦ:

  • ᓄᓇᓕᐅᑉ ᐊᑎᖓ
  • ᐃᓕᓐᓂᐊᕐᕕᐅᑉ ᐊᑎᖓ
  • ᐃᓕᓴᐃᔨᐅᑉ ᐊᑎᖓ
  • ᐊᑎᖏᑦ ᑕᒪᒃᑭᓂᑦ ᐃᓕᓐᓂᐊᖅᑎᓂᑦ ᐃᓚᐅᖃᑕᐅᔪᓂᑦ
  • ᐃᓕᓐᓂᐊᖅᑎᑦᑎᕕᐅᔪᓄᑦ ᖁᑦᑎᖕᓂᖓ
  • ᐃᓕᓴᐃᔨᐅᑉ ᖃᐅᔨᒋᐊᕐᕕᒃᓴᖓᓄᑦ ᐅᖃᓘᑎᖓᑕ ᓈᓴᐅᑎᖓ ᐊᒻᒪᓗ ᖃᕋᓴᐅᔭᑎᒍᑦ ᑎᑎᕋᕐᕕᐅᔪᓐᓇᕐᕕᖓᓄᑦ

8.   ᑎᑎᕋᕐᕕᖓ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ ᓂᕈᐊᖅᓯᒍᓂ ᐃᓕᓐᓂᐊᖅᑎᑦᑎᕕᐅᔪᓄᑦ ᐃᓯᕈᑎᖓᓐᓂ ᓵᓚᖃᖅᑎᐅᓂᕐᒧᑦ, ᐊᐱᕆᓂᐊᖅᐳᒍᑦ ᐃᓕᓐᓂᐊᖅᑎᑦᑎᕕᐅᔪᓄᑦ ᐃᓕᓴᐃᔨᖓᓂ ᐊᑎᓕᐅᕆᓂᕐᒥᑦ ᐊᖏᕈᑎᒥᒃ ᑕᐅᖅᓰᓂᕐᒧᑦ ᐊᔾᔨᓕᐅᖅᑕᐅᔾᔭᐃᒃᑯᓯᖅᑕᐅᓂᖓᓂ ᑎᑎᕋᕐᕕᑦᑎᓐᓄᑦ.

9.   ᐃᓯᕈᑕᐅᔪᑦ ᖃᕋᓴᐅᔭᑎᒍᑦ ᓇᒃᓯᐅᔾᔭᐅᔭᕆᐊᖃᖅᐳᑦ ᑎᑎᕋᕐᕕᖓ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ 5-ᒥ ᐅᓪᓗᒃᑯᑦ UTC (ᐱᖓᓐᓇᖅᐸᓯᐅᑉ ᐃᑲᕐᕋᖓᓐᓂ)  ᓄᕕᐱᕆ 4, 2016-ᒥ. ᑎᑎᕋᕐᕕᑦᑕ ᖃᕋᓴᐅᔭᑎᒍᑦ ᑎᑎᕋᕐᕕᐅᔪᓐᓇᖅᑐᖁᑎᖓ ᐅᓇᐅᕗᖅ: contact@rcynu.ca.

ᓵᓚᒃᓴᖅᑐᑦ ᐊᒻᒪᓗ ᓵᓚᖃᐅᓯᐊᖏᑦ

ᑎᑎᕋᕐᕕᒃᐳᑦ ᐅᖃᐅᓯᖃᕐᓂᐊᖅᐳᑦ ᓵᓚᖃᖅᑐᓂᑦ ᓄᕕᐱᕆ 18, 2016-ᒥ – ᑲᓇᑕᓕᒫᒥᑦ ᓄᑕᖅᑲᓄᑦ ᐅᓪᓗᖓᓂ ᓈᑦᑎᖑᔭᐅᓂᐊᖅᖢᓂ ᑕᒪᑐᒪᓂ ᐊᕐᕌᒎᔪᒥᑦ. ᑐᓂᓯᓂᐊᖅᐳᒍᑦ ᐊᑕᐅᓯᕐᒥ ᓵᓚᖃᐅᓯᐊᒥᑦ ᐃᓕᓐᓂᐊᕐᕕᐊᕈᓯᕐᓄᑦ ᐱᓂᐊᖅᐳᑦ ᓵᓚᖃᐅᓯᐊᒥᑦ ᑎᑭᐅᒪᔪᒧᑦ ᐊᑭᓪᓗᐊᓕᖕᒥᑦ $500-ᒧᑦ ᐃᓱᒪᓕᐊᖑᓂᐊᖅᑐᒥᑦ ᐃᓕᓐᓂᐊᖅᑎᑦᑎᕕᐅᔪᒥᑦ ᐊᒻᒪᓗ ᑎᑎᕋᕐᕕᖓ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑭᒡᒐᖅᑐᐃᔨᐅᑉ.

  • ᐱᒋᐊᓕᓵᖅᑐᓂᑦ ᖁᑦᑎᖕᓂᓕᑦ 3-ᒧᑦ – ᐃᓕᓐᓂᐊᕐᕕᐊᕈᓯᕐᓄᑦ ᓵᓚᖃᐅᓯᐊᒥᑦ ᑎᑭᐅᒪᔪᒧᑦ $500-ᒧᑦ
  • ᖁᑦᑎᖕᓂᓕᑦ 4-ᒥ ᖁᑦᑎᖕᓂᓕᑦ 7-ᒧᑦ – ᐃᓕᓐᓂᐊᕐᕕᐊᕈᓯᕐᓄᑦ ᓵᓚᖃᐅᓯᐊᒥᑦ ᑎᑭᐅᒪᔪᒧᑦ $500-ᒧᑦ
  • ᖁᑦᑎᖕᓂᓕᑦ 8-ᒥ ᖁᑦᑎᖕᓂᓕᑦ 12-ᒧᑦ – ᐃᓕᓐᓂᐊᕐᕕᐊᕈᓯᕐᓄᑦ ᓵᓚᖃᐅᓯᐊᒥᑦ ᑎᑭᐅᒪᔪᒧᑦ $500-ᒧᑦ

ᐊᐱᖅᑯᑎᒃᑕᖃᖅᐲᑦ?

ᐊᐱᖅᑯᑎᒃᓴᖃᕈᕕᑦ, ᖃᐅᔨᒋᐊᕐᓂᐊᖅᐳᑎᑦ ᑎᑎᕋᕐᕕᑦᑎᓐᓄᑦ ᐅᖃᓘᑎᒃᑯᑦ ᐅᕗᖓ 1-855-449-8118 (ᐊᑭᖃᙱᑦᑐᖅ) 867-975-5090-ᒧᓪᓘᓐᓃᑦ (ᐃᖃᓗᖕᓂ) ᖃᕋᓴᐅᔭᑎᒍᑦ ᑎᑎᕋᕐᓂᒃᑯᓪᓘᓐᓃᑦ ᐅᕗᖓ contact@rcynu.ca.